Astanada bochcha sportynan Qazaqstan chempıonaty bastaldy
Іri sport saıysynyń ashylýynda sóz alǵan Senat tóraǵasy, Qazaqstan bochcha federatsııasynyń prezıdenti Máýlen Áshimbaev elimizde ınklıýzıvti sportty damytý mańyzdy ekenin atap ótti.
«Búgin munda barsha Qazaqstannan jas sportshylar, olardyń ata-analary, bapkerleri kelip otyr. Búgin shynaıy sport merekesi dep aýyz toltyryp aıta alamyz. Bul shara elimizde ınklıýzıvti, kedergisiz ortany qalyptastyrýǵa úlken úles qosady dep senemiz. Prezıdent Qasym-Jomart Toqaevtyń bastamasymen múmkindigi shekteýli azamattardy, erekshe qajettiligi bar balalardy qorǵaý, qoldaý úshin kóptegen is-sharalar iske asyp jatyr. Onyń ishinde sapaly bilim berý, medıtsınalyq qyzmet, sondaı-aq sportpen aınalysýǵa jaǵdaı jasaý bar. Áli de atqarylatyn sharýa az emes. Bul turǵydan alǵanda ınklıýzıvti sportty damytý mańyzdy», - dedi Máýlen Áshimbaev.
El chempıonatynyń ashylý saltanatyna belgili qoǵam qaıratkerleri, Qazaqstandaǵy ınklıýzıvti jáne beıimdelgen sportty qoldaıtyn iri uıym ókilderi qatysty.
Aıta keteıik, bul chempıonattyń mańyzy zor. Óıtkeni, ulttyq qurama sapy osy báseke nátıjesi boıynsha jańartylyp, keıin olar Paralımpıada jáne Azııa paraoıyndarynda el namysyn qorǵaıdy.
1-4 maýsym aralyǵynda ótetin chempıonatta elimizdiń ár óńirinen kelgen 15 jáne odan joǵary jastaǵy 50-ge jýyq sportshy baq synaıdy.
