Astanada «Blogıada-2015» konkýrsynyń jeńimpazy 1 mln. teńgeni utyp aldy
ASTANA. QazAqparat - «Nur Otan» partııasynyń baspasóz ortalyǵynda qazaq blogerleri arasynda shilde aıynda bastalǵan «Blogıada-2015» jarysyn qorytyndylaý rásimi bolyp ótti.
«Nur Otan» partııasynyń qoldaýymen «Jiger.Abyroı.Sana» qoǵamdyq qory uıymdastyrǵan shara «Sapaly kontentke - Mıllıon!» urany aıasynda ótkizildi.
Jarysqa ShQO, OQO, Qaraǵandy, Atyraý oblystary jáne Almaty, Astana qalalarynan 12 bloger qatysty. Blogıada barysynda 5 aı ishinde Qazaq handyǵy, sport, teńge kýrsy, áleýmettik medıa, aqparattyq qaýipsizdik, konvergentti jýrnalıstıka, ınnovatsııa jáne de basqa taqyryptarda júzge jýyq post jazyldy.
Bes aılyq marafonnyń nátıjesinde 1-shi oryndy blogerlik qyrymen de tanymal ORT-Eýrazııa telearnasynyń jańalyqtar júrgizýshisi Maralbek Saǵynǵanov ıelendi. 2-oryn tanymal bloger Mereı Ermuhanovtyń qanjyǵasynda. Al 3-oryndy Eýrazııa Ulttyq Ýnıversıtetiniń stýdentteri Áıgerim Toqsanbek pen Nazerke Abıbýlla bólisti.
Bas júlde ıesine 1 000 000 teńge, 2-orynǵa 500 000, 3-oryndarǵa (eki 3-oryn) 250 000 teńgeden syıaqy tabystaldy.
Aıta keteıik, blogıada - qazaq blogerleriniń jazba jarysy. Bıyl ekinshi ret ótkizilip otyr. Baıqaý erejesine sáıkes, ár apta saıyn belgilengen taqyryptar boıynsha blogerler óz blogtarynda jazba jazdy. Blogıada ádil qazylary bul jazbalardy tehnıkalyq jáne mazmundyq turǵyda baǵalady. Qazylar quramy Erlan Ospan, Ashat Erkimbaı, Asqar Bazarbaı syndy tanymal ardager blogerlerden quraldy.
