Astanada bilim basqarmasynyń bólim basshysy sottaldy

 ASTANA. KAZINFORM – Elorda prokýrorlary bilim berý uıymdaryn tekserý barysynda laýazymdyq ókilettigin teris paıdalaný faktisin anyqtady.

- Elordalyq bilim basqarmasynyń bólim basshysy óziniń qyzmettik jaǵdaıyn materıaldyq paıda úshin jeke maqsatta paıdalanǵany anyqtaldy. Tekserý materıaldary sybaılas jemqorlyqqa qarsy qyzmetke berilip, onda qosymsha birneshe ret para alý faktisi ashyldy. Sot talqylaýynyń qorytyndysy boıynsha laýazymdy tulǵa kináli dep tanyldy,- delingen qalalyq prokýratýra taratqan habarlamada.

Osylaısha sot Bilim basqarmasynyń bólim basshysyn bes jylǵa bas bostandyǵynan aıyrý jazasyn taǵaıyndady.

- Bul jaǵdaı bilim berý júıesindegi sybaılas jemqorlyqqa qarsy baqylaýdyń mańyzdylyǵyn jáne laýazymdy tulǵalardyń zańdy qatań saqtaý qajettigin kórsetedi,- deıdi vedomstvodan.

Buǵan deıin bilim salasyndaǵy jemqorlyq faktiler týraly habarlaǵan bolatynbyz. Aıta ketsek, Qyzylordada muǵalimderdi jalǵan buıryq shyǵaryp, jumysqa qabyldaǵan burynǵy mektep basshylary sottaldy.

Sondaı-aq naýryzda 1,6 mlrd teńge jymqyrǵan Taldyqorǵanda Sarqan aýdany boıynsha bilim bóliminiń bas býhgalteri 8 jylǵa sottaldy.

Odan bólek Mańǵystaý oblysynda balabaqsha dırektory men esepshisi sottaldy. Olar ata-analardyń tólegen qarajatyn ózderiniń jeke shottaryna zańsyz aýdaryp, memleketke 12 mıllıon teńgeden astam shyǵyn keltirgen.