Astanada BQO men Atyraý oblystary aýyl sharýashylyǵy ónimderiniń jármeńkesi ótýde
ASTANA. 12 qazan. QazAqparat - Búgin Astana qalasynyń ortalyq alańynda ótken Batys Qazaqstan jáne Atyraý oblystarynyń aýyl sharýashylyǵy ónimderiniń jármeńkesine elorda ákimi Imanǵalı Tasmaǵambetov,
delegatsııalardy bastap kelgen BQO ákimi Nurlan Noǵaev pen Atyraý oblysy ákiminiń orynbasary Ǵumar Dúısembaev kelip qatysty.
Jármeńkege Batys Qazaqstan oblysynyń 12 aýdanynan, Atyraý oblysynyń 7 aýdanynan jáne Oral men Atyraý qalalarynan aýyl sharýashylyǵy ónimderin óndirýshiler keldi. Olar jalpy kólemi 800 tonnaǵa jýyq ónimder ákelgen. Sonymen qatar, aýyl sharýashylyǵy ónimderin qaıta óńdeýmen aınalysatyn 13 kásiporyn 5 tonna et, qalbyrlanǵan balyq jáne kókónis, 5 tonna shujyq, 5 tonna ettiń dúmbil ónimderin, 2 myń lıtr ósimdik maıyn, 100 myń dana jumyrtqa, 5 myń lıtr qymyz jáne 200 keli mııa tamyrynan jasalǵan ónimderdi Astana turǵyndaryna usyndy.
«Búgingi Batys Qazaqstan men Atyraý oblystarynyń ákelgen ónimderine elordalyqtar dán rıza. Árıne, ár óńirdiń óz ereksheligi bar. Máselen Atyraý oblysy 40 tonna balyq ónimderin ákelip otyr. Eki oblystyń ákelgen barlyq ónimderi Astana bazarlarynyń baǵasynan 20-25 paıyzǵa arzan», - dep atap ótti Astana qalasynyń ákimi I. Tasmaǵambetov.
Sonymen qatar, ol bul sharanyń basty maqsaty el men elordany, elorda men eldi jaqyndatý ekenin basa aıtty.
