Astanada bıznes úshin elektr energııasynyń quny arzandady

ASTANA. KAZINFORM - «Astanaenergosbyt» JShS QR UEM Tabıǵı monopolııalardy retteý komıtetiniń Astana qalasy boıynsha departamentine zańdy tulǵalar úshin elektr energııasyna tarıfti 1 kVt/saǵatyna 38,35 teńgeden 31,45 teńgege deıin, ıaǵnı, 18%-ǵa tómendetý týraly habarlama berdi. Bul týraly Ulttyq ekonomıka mınıstrliginiń Tabıǵı monopolııalardy retteý komıteti habarlady. 

Atalmysh komıtettiń málimetinshe, tómendetilgen tarıf 2024 jylǵy 1 maýsymnan bastap qoldanysqa engiziledi. 

Tarıfti tómendetý QR UEM TMRK aýmaqtyq departamentteri rettelmeıtin energııamen jabdyqtaýshy uıymdardy elektr energııasymen jabdyqtaý jónindegi qyzmetterge lıtsenzııalardyń qoldanylýyn jaqynda toqtatqannan keıin múmkin boldy.

Eske sala keteıik, bul jumys Úkimet Memleket basshysynyń deldal uıymdardy, onyń ishinde tutynýshylardy elektrmen jabdyqtaý tizbegindegi ónimsiz deldaldardy joıý jónindegi tapsyrmasy aıasynda júrgizildi.

«Tarıfti tómendetýdiń alǵysharty tutynýshylardyń (qalanyń zańdy tulǵalary men bıýdjettik uıymdarynyń) rettelmeıtin energııamen jabdyqtaýshy uıymdardan elektr energııasyn kepildi jetkizýshige («Astanaenergosbyt» JShS) aýysýy boldy, bul kepildi jetkizýshiniń kórsetiletin qyzmetteriniń kólemin ulǵaıtý jaǵyna, tıisinshe tarıfti tómendetýge áser etti. Elektr energııasy qyzmetterin úzdiksiz alý úshin buryn rettelmeıtin jetkizýshilerdi paıdalanǵan Astana qalasynyń zańdy tulǵalarynyń «Astanaenergosbyt» JShS-men jedel túrde tıisti sharttar jasasý múmkindigi bar», - delingen komıtet habarlamasynda.

Týyndaǵan suraqtar boıynsha «Atsanaenergosbyt» JShS-na júginýge bolady:

Zańdy tulǵalar úshin:

B. Momyshuly dańǵyly, 4/1 úı, telefon 91-83-33, 91-85-27, 91-87-50, 91-87-39;

Bógenbaı batyr dańǵyly, 24/1, telefon 91-86-75, 91-87-36.

Sondaı-aq «Astana-AEK» AQ:

Imanov kóshesi, 11, telefon: 576 579.

Saýran kóshesi, 7b, telefon: 472 191.

Domalaq ana kóshesi, 9, telefon: 620 457 qos. 2699.