Astanada «Bizdiń kúshimiz - birlikte!» aktsııasy ótti

ASTANA. QazAqparat - Elordada Uly Jeńistiń 70 jyldyǵyna arnalǵan sharalar legi jalǵasyn tabýda. Búgin «Jeruıyq» saıabaǵynda Astana qalasynyń ákimdigi Eskertkishter men tarıhı-mádenı mura nysandaryn saqtaýdy qamtamasyz etý dırektsııasynyń uıymdastyrýymen jaqynda ǵana ashylǵan general-maıor Ivan Panfılovqa arnalǵan eskertkishtiń janynda «Bizdiń kúshimiz - birlikte!» atty aktsııa ótti, dep habarlaıdy elordanyń resmı saıty.

Atalmysh shara eń aldymen mektep oqýshylaryna eskertkishterdi saqtaýdyń mańyzdylyǵyn túsindirýmen tikeleı baılanysty bolyp otyr. Osylaısha, №63 orta mekteptiń 1-synyp oqýshylary ata-analarymen birge I. Panfılov eskertkishiniń aldyna jınaldy.

Shara barasynda oqýshylar Jeńis kúnine arnalǵan óleńderdi oqyp, tanymal «Katıýsha» ánin oryndady.

Aktsııa aıasynda qatysýshylarǵa ataqty generaldyń ómiri men 28 gvardııashy-panfılovshylar týraly derekter aıtyldy. Sonymen qatar, oqýshylar atalmysh eskertkishtiń avtory, jas sáýletshi, «Shabyt - 2013» halyqaralyq jastar festıvaliniń laýreaty Rınat Ábenovpen kezdesti.

Sharadan keıin oqýshylar «Qazart» Qazaqstan kórkem kombınaty» JShS ǵımaratynda bolyp, kórkemdik-óndiristik jumystarmen tanysty.