Astanada «Bizdiń el osyndaı!» atty aqyndar aıtysy ótedi
ASTANA. 8 jeltoqsan. QazAqparat - Qazaqstan Respýblıkasy Mádenıet jáne aqparat mınıstrligi 9 jeltoqsanda Astana qalasyndaǵy Kongress-holl kontsert zalynda saǵat 15.00-de Táýelsizdik kúnine oraılastyrylǵan «Bizdiń el osyndaı!» atty aqyndar aıtysyn ótkizedi.
Aıtysynyń negizgi maqsaty: Aıtys ónerin tól mádenıetimizdiń baǵa jetpes asyl murasy retinde halyqqa keńinen nasıhattaý. Óskeleń urpaq sanasyna ata babalarymyz san ǵasyrdan beri ańsap jetken Táýelsizdiktiń taǵylymyn uıalatý. Halyq arasynan shyqqan jas aıtysker aqyndarǵa demeý kórsetip, olarǵa BAQ arqyly jarnama jasaý.
Aıtystyń ereksheligi: Aıtysqa aımaqtyq aqyndar aıtysynda suryptalyp, top jarǵan jeńimpazdar ǵana qatysady. Aqtyq aıtysqa joldama alǵandardyń negizi jastar, olar halyqqa keńinen tanymal: Sara Toqtamysova, Jandarbek Bulǵaqov, Muhtar Nııazov, Ásem Erejeqyzy, Balǵynbek Imashev, Meıirbek Sultanhandar ózara saıysqa túsedi.
Bas báıge: «Altyn dombyra»
Aıtystyń qazylar alqasy: Halyq aqyndary Ásııa Berkenova, Áselhan Qalybekova, aıtysker aqyn Esenqul Jaqypbekov, folklortanýshy-ǵalym Serik Negımov jáne Qazaqstannyń eńbek sińirgen qaıratkeri, aqyn, pýblıtsıst Júrsin Erman jáne t.b.
