Astanada «Biz joldaǵy qaýipsizdik úshin» atty avtosherý ótedi

Bul týraly qalalyq ІІD-niń Jol polıtsııasy basqarmasynyń baspasóz qyzmeti habarlady.

«20 tamyz kúni Astana qalasy Jol polıtsııasy basqarmasynyń qyzmetkerleri «Sport rassing» kólikti ekstremaldy júrgizý mashyqtaryna ýıretý mektepteri men «Astana Raiders MCC» baıkerler klýbymen birlesip, «Biz joldaǵy qaýipsizdik úshin» atty avtosherý ótkizedi», - delingen aqparatta.

Avtosherý qalanyń eski bóliginde bastaý alyp, sol jaǵalaýda «Báıterek» monýmenti mańynda aıaqtalmaq. Sonymen qatar eriktiler elordanyń saýda jáne oıyn-saýyq ortalyqtarynda flesh-mob uıymdastyrady, júrgizýshilerge qaýipsizdik sharalary jaıynda jazylǵan jadynamalar taratylady.

Aktsııa sheńberinde baıkerler men avtoshabandozdar ekstremaldy shoý jasamaq. Sharanyń basty maqsaty balalar arasyndaǵy jol-kólik jaraqattarynyń jáne jalpy jol apattarynyń artýyna qoǵam nazaryn aýdartý bolyp tabylady. Jol polıtsııasynyń málimetterine súıensek, sońǵy 7 aıda elordada 339 jol-kólik oqıǵasy oryn alǵan. Onyń ishinde 80 apat barysynda 2 bala kóz jumdy, taǵy 80 balǵyn jaraqattandy.