Astanada «Biz taza qala úshin» jalpy qalalyq senbiligi ótedi
ASTANA. QazAqparat - Erteń Astanada saǵat 9.00 «Biz taza qala úshin!» jyl saıynǵy jalpy qalalyq senbiligi ótedi. Oǵan qala turǵyndary, memlekettik qyzmetkerler, úkimettik emes uıymdardyń ókilderi, bilim, densaýlyq saqtaý qyzmetkerleri, kásipkerler, Astana jastary belsendi qatysady, dep habarlaıdy astana.kz.
Erteńgi jalpy qalalyq senbilikte 3 103 aǵash otyrǵyzý josparlanǵan, aýdan ákimdikteriniń ótinishterimen 3,1 myń aǵash pen butalar kósheti ázirlendi, 120 jýyq tıegish pen 340 júk kóligi, barlyǵy 460 kólik pen basqa da mamandandyrylǵan tehnıka jumys isteıdi. Senbilik barysynda lastanǵan oryndardy joıý, 2,0 - 2,5 myń tonna qoqys shyǵarý kózdelgen. Bul kúni jalpy aýdany 491,4 ga park pen gúlbaq jınalyp, 220 gúlzarlar tazartylady.
Almaty, Esil jáne Saryarqa aýdandyq ákimdikteri senbilikke 8,5 myń kásiporyn, uıym men mekeme qatysady dep josparlaýda.
Negizgi jumystar kelesi jerlerde júrgiziledi. Esil aýdanynda - Kereı Jánibek handar kóshesinde (Turan kóshesinen Orynbor kóshesine deıin) - Premer-Mınıstr keńsesiniń, «Nur Otan» HDP Ortalyq Apparatynyń, Senattyń, Májilistiń, Joǵary sottyń, Astana qalasy ákimi apparatynyń, Astana qalasy máslıhatynyń, Ekonomıkalyq damý jáne saýda mınıstrliginiń, Sport jáne dene shynyqtyrý agenttiginiń jáne t.b qatysýymen 1500 aǵash otyrǵyzylady. «Astana-Zelenstroı» AQ 2 000 kúrek, tyrnaýyshtar, zembilder men qoqys jınaý úshin 1000 polıetılen qap daıyndaıdy.
Almaty aýdanynda QR Prezıdenti Ákimshiliginiń, «Nur Otan» HDP qalalyq fılıalynyń, ІІM qatysýymen Qaldaıaqov kóshesinde 227 aǵash, № 46 kóshede 319 aǵash, Esil ózeniniń boıyndaǵy baqta oń jaǵalaýda 500 aǵash, Temirjolshylar turǵyn alabynda 100 aǵash otyrǵyzylady. Sonymen qatar, 750 shanstyq quraldar ázirlendi.
Saryarqa aýdanynda - «Nur Otan» HDP Saryarqa fılıalynyń, aýdandyq qorǵanys isteri jónindegi, ádilet, tótenshe jaǵdaılar basqarmalarynyń, «Posadı derevo KZ» RQB, eńbek ardagerleri men qoǵamdyq birlestikterdiń qatysýymen Tilenıdev kóshesinde 457 aǵash otyrǵyzylady. Olarǵa 4620 kúrek, zembilder, tyrnaýyshtar, qoqys jınaýǵa arnalǵan 10 300 qap beriledi. Qunarly topyraq, qum, basqa da materıaldar jáne basqa da kerek-jaraqtar daıyndaldy.
Eske salaıyq, kóktemgi jalpy qalalyq senbilik erteń saǵat 9.00 bastalady.
