Astanada «Biz memlekettik tilde qyzmet kórsetemiz» aktsııasy bastaldy (FOTO)
ASTANA. QazAqparat - Búgin elordada «Biz memlekettik tilde qyzmet kórsetemiz» aktsııasy bastaldy. Shara Qazaqstan halqy tilderi festıvaliniń aıasynda ótýde. Muny Astana qalasy tilderdi damytý basqarmasy men «Nur Otan» partııasynyń qalalyq fılıaly uıymdastyrdy.
Aktsııa maqsaty - memlekettiń tildiń mártebesin arttyryp, qoldaný aıasyn keńeıtý, kópultty Qazaqstanda dostyq pen kelisimdi nyǵaıtý bolyp tabylady.
«Búgin eriktiler bank, halyqqa qyzmet kórsetý ortalyǵy, aýrýhana, áýejaı, avtovokzal, temir jol vokzaldaryna jiberiledi. Eriktiler barlyq mekemelerdiń jumysyna baǵa beredi. Keshe atalmysh uıym qyzmetkerleri arnaıy beınerolıktermen, plakattarmen tanysyp, sózdikter aldy. Óz salasynda memlekettik tilde qalaı qyzmet kórsetý kerektigin bári bile bermeıdi. Aktsııaǵa 100 erikti stýdent qatysty. Olar kúni boıy baǵalaý júrgizedi de, keshke aktsııanyń qorytyndysy shyǵarylady, úzdik qyzmetkerler marapattalatyn bolady», - dedi «Nur Otan» partııasynyń AQF ókili O. Beısenbaev.
Uıymdastyrýshylardyń aıtýynsha, aktsııa eki kezeńde ótedi. Birinshi kezeńde úgitteý jumystary júrgiziledi. Onyń barysynda eriktiler turǵyndar men qala qonaqtaryn aktsııa jaıly habardar etedi, ekinshi kezeńde olar mekemelerdegi jumys barysyn tikeleı baqylaıtyn bolady.
Keshke Astana ákimdigi alańynda «Til tutastyǵy - el tutastyǵy» atty otandyq estrada juldyzdarynyń qatysýymen merekelik kontsert ótedi. Belsendi qatysýshylar alǵyshattarmen, júldelermen marapattalady. \\
