Astanada bıylǵy 7 aıda 100 myń tonnadan astam azyq-túlik ónimderi óndirilgen

ASTANA. QazAqparat - Astanada 2014 jyldyń 7 aıynda 113 577 tonna azyq-túlik ónimderi shyǵarylǵan. Bul týraly Astana qalasy ákimi apparatynyń baspasóz qyzmetinen habarlady.

Atap aıtqanda, 2014 jyldyń qańtar-shilde aılarynda 10 357 tonna makaron ónimderi (2013 jyldyń tıisti kezeńine shaqqanda 119,0 %), 537 tonna sút pen kilegeı (2013 jyldyń tıisti kezeńine shaqqanda 100,4%), 89 990 tonna un (2013 jyldyń tıisti kezeńine shaqqanda 88,2%), 11 987 tonna jańa pisirilgen nan (2013 jyldyń tıisti kezeńine shaqqanda 88,9%), 706 tonna shujyq ónimderi (2013 jyldyń tıisti kezeńine shaqqanda 120,0%) shyǵarylǵan.

Atap ótý kerek, 2013 jyly astanalyqtar 570 myń tonna, ıaǵnı kúnine 1,5 myń tonna tamaq ónimderin tutynǵan.

«Astananyń óz óndiris oryndarynyń esebinen qala nan, makaron ónimderi jáne unmen tolyq qamtamasyz etilip otyr. Qalanyń azyq-túlik tutyný kóleminiń 35%-y, ıaǵnı 190 myń tonnasy azyq-túlik beldeýinen jetkizilse, qalǵany basqa aımaqtar men shetelderden tasymaldanady», delingen habarlamada.