Astanada bıyl jańa qurylys kolledji ashylady
ASTANA. QazAqparat - Jańa qurylys kolledji Astanada bıylǵy jyly paıdalanýǵa beriledi, dep habarlady ákim apparatynyń baspasóz qyzmetinen.
«Qazaqstan ekonomıkasyn damytý úshin mańyzdy mindetterdiń biri - eldiń bıznes-qoǵamdastyqtarynyń qajettilikterine, ındýstrıaldyq-ınnovatsııalyq suranystaryna sáıkes el ekonomıkasynyń ártúrli salalarynyń joǵary bilikti, suranysqa ıe tehnıkalyq mamandaryn sapaly daıyndaý bolyp tabylady. Astanaǵa qajetti tehnıkalyq mamandyqtar bazasyn nyǵaıtý úshin qalada kásiptik-tehnıkalyq kolledjder salynýda», - delingen baspasóz habarlamasynda.
Sonymen, bıylǵy jyly qurylys beıini boıynsha 800 oryndyq kolledj paıdalanýǵa berilmek. Energetıka salasyna mamandar daıyndaý úshin taǵy bir 800 oryndyq kolledjdiń qurylysy bastalýda. Aıta keteıik, búginde Astanada 35 tehnıkalyq jáne kásiptik uıymdar bar, onda 29 859 adam bilim alýda. Onyń 12-si memlekettik mekemeler bolsa, 23-i - jekemenshik bolyp tabylady.
