Astanada bıyl jańa ambýlatorııalyq keshen men eki emhana paıdalanýǵa beriledi
ASTANA. QazAqparat - Astanada aǵymdaǵy jyldyń ekinshi jartysynda sol jaǵalaýda 500 adamǵa arnalǵan ambýlatorııalyq emhanalyq keshen men Ilınka aýylynda jáne Dosmuhamedov kóshesinde 2 emhana ashylmaq, dep habarlaıdy elorda ákiminiń baspasóz qyzmetinen.
«Astanadaǵy mańyzdy áleýmettik mindetterdiń biri - emhanalar sanyn arttyrý. 2012-2013 jyldar aralyǵynda qalada eki aýrýhana men eki emhana paıdalanýǵa berilgen. Jalpy, 2016 jylǵa deıin taǵy 3 arnaıy densaýlyq saqtaý mekemesi halyqqa qyzmet kórsetedi dep josparlanyp otyr. Qazir olardyń qurylysy júrip jatyr», delingen habarlamada. Sondaı-aq baspasóz qyzmetiniń málimetinshe, qazirgi kezde Astana qalasynyń densaýlyq saqtaý basqarmasynyń júıesinde 34 medıtsınalyq uıym jumys jasaıdy. Onyń ishinde 14 aýrýhana, 11 alǵashqy medıtsınalyq-sanıtarlyq kómek, 1 qalalyq jedel járdem stansasy, 6 taǵy basqa mekemeler men 2 medıtsınalyq bilim berý uıymy bar. Sonymen qatar qala halqyna respýblıkalyq mańyzǵa ıe 9 aýrýhana men 1 respýblıkalyq dıagnostıkalyq ortalyq, 7 vedomstvolyq uıym qyzmet kórsetedi eken. Onyń ishinde 4 aýrýhana, 3 emhana, 2 jekemenshik aýrýhanalyq uıym men ambýlatorııalyq-emhanalyq kómek kórsetetin 8 jekemenshik uıym tirkelgen.
