Astanada bıyl jabyq tıptegi 55 aıaldama ornatylady
ASTANA. QazAqparat - Astanada bıyl jabyq tıptegi 55 aıaldama ornatylady. Bul týraly «Astana LRT» kompanııasynyń basshysy Talǵat Ardan málim etti.
«Búginde Astana ákimdigimen birge qaladaǵy qoǵamdyq kóliktiń parkin tolyqtaı jańartý josparlanýda. Eski avtobýstar qala marshrýttarynan alynyp tastalýda. Tıisti ınfraqurylymdar da jańartylady. Bıyl ákimdik aıaldamalardy jetildirý boıynsha jumysty bastaýdy tapsyrdy. Qysqy ýaqyttarda óte kóp shaǵymdar keledi. Qolda bar aıaldamalar jazda adamdardy ystyqtan, qysta aıazdan qorǵaı almaıdy. Ákimdikpen tapsyrma berildi, ınvestorlar tartylýda. Jyl sońyna deıin jabyq tıptegi 55 aıaldama ornatylady. Jalpy, qalada osyndaı formattaǵy 82 aıaldama bolady dep josparlanýda. Olar negizinen adam sany kóp, áleýmettik nysandar ornalasqan tustarda qoıylady. ıAǵnı, qajettiligi basym jerlerde boı kótermek», - dep atap ótti ol.
Onyń aıtýynsha, Astana ákimdigine qoǵamdyq kólikterdiń jumysyna narazy jurt jıi habarlasady.
«Qazirgi ýaqytta kún saıyn avtobýstar 800-850 myń adamdy tasymaldaıdy. Biraq ol elorda deńgeıine saı emes. 2017 jylǵa qaraı avtobýstardy paıdalanatyn halyq sanyn 45 paıyzǵa deıin jetkizýdi jáne kúnine 1,1 mln. adam tasymaldaýdy kózdep otyrmyz. Bul josparlardy jolaýshylar kóliginiń tıisti sapasynsyz uıymdastyrý múmkin emes», - deıdi T.Ardan.
