Astanada bıyl qyzdardan góri ul balalar kópteý dúnıege kelgen
ASTANA. 23 jeltoqsan. QazAqparat - Elordada ústimizdegi jyldyń 11 aıynda perzenthanalar men perınataldyq ortalyqtarda 20 699 bala dúnıege keldi. Bul týraly astana.kz saıtyna qalalyq Densaýlyq saqtaý basqarmasynan habarlady.
«Ústimizdegi jyldyń qańtar-qarasha aılarynda 20 699 bala týdy, sonyń ishinde 10 698 (52%) ul, 10 001 (48%) qyz, 229 egiz, 4 úshem», - delingen habarlamada. Aıta keteıik, elordada týý kórsetkishi jyl saıyn orta eseppen 1,1% (850 - 900 balaǵa) artyp keledi, al 2013 jylǵy jeltoqsan aıynda bul kórsetkish bir myń adamǵa shaqqanda 27,67 qurady.
Aıta keteıik, 2010 jyly qalalyq bosanatyn áıelderge dárigerlik járdem beretin mekemelerde 16 444, 2011 jyly 19 177, al 2012 jyly 21 266 bala týdy.
