Astanada bıyl qurylysy uzaqqa sozylǵan 30-dan astam turǵyn úıdi salyp bitirý josparlanyp otyr
Kezdesýdiń jaı-japsary týraly shahar basshysy óziniń Facebook paraqshasynda jazdy, dep habarlaıdy QazAqparat.
«Aqtaý Sıtı» TK, «Sapsan» TK, «Qazanat 2» TK, «Ásker 1» TK problemaly turǵyn úı keshenderiniń turǵyndarymen kezdestim. Nysandarda qurylys jumysy toqtap tur nemese qarqyny óte baıaý. Qurylys salýshylardyń nashar ádeti bar – kózge kóriný úshin arnaıy tehnıkalardy tek turǵyndarmen jáne memlekettik organdarmen kezdesý kezinde ǵana jetkizedi»,-dep jazdy Jeńis Qasymbek.
Sondaı-aq ol atalǵan turǵyn úı keshenderi boıynsha birqatar qurylys salýshy QR Ákimshilik quqyq buzýshylyq týraly kodeksiniń birneshe baby boıynsha jaýapqa tartylǵanyn habarlady.
«Osy turǵyn úı keshenderiniń aıaqtalýyn baqylaýda ustaıtyn bolamyz. Qurylys kompanııasyna qarqyndy jumys júrip jatqanyn tek kózge kóriný úshin ǵana jasaýyna jol bermeımiz. Qurylys jumystarynyń naqty qarqyny bolmasa, is qozǵaý úshin quzyrly organdarǵa júginetin bolamyz. Óıtkeni bul úıler birneshe jyl buryn aıaqtalýy kerek edi.
Qaladaǵy qurylysy uzaqqa sozylǵan nysandarǵa keletin bolsaq, bıyl qalǵan obektilerdi aıaqtaýdy josparlap otyrmyz. ıAǵnı, bul 30-dan astam turǵyn úı»,-dedi ákim.
