Astanada bıyl qansha turǵyn úı jóndeletini belgili boldy
2018 jyly «Saryarqa» aýdanynda atalmysh baǵdarlama boıynsha 6 turǵyn úıge jóndeý jumystary júrgizildi. Aıtalyq Á.Jangeldın kóshesindegi 3-úıde úsh lıfti aýystyrylady. Aspara kóshesindegi 26, Kýbrın kóshesindegi 20/1 turǵyn úılerde jalpy somasy 177,5 mln teńgege toǵyz lıft aýystyryldy.
2019 jyly 9 turǵyn úıdiń 11 lıftisin aýystyrý josparlanǵan. Atap aıtqanda, bul Samal shaǵyn aýdanyndaǵy 1, 10 úıdiń, sondaı-aq osy shaǵyn aýdandaǵy 2, 3, 4, 6, 8, 9-turǵyn úıdiń árqaısysynda bir lıftiden aýystyrylady. Kýbrın kóshesindegi 22/1 (1 lıft) úıde jedelsaty aýystyrylmaq.
Osy baǵdarlamany iske asyrý bastalǵaly Saryarqa aýdanyndaǵy 33 úıde jóndeý jumystary, 12 úıde (24 lıft) jedelsatylardy aýystyrý júrgizildi.
Ótken jyly Almaty aýdanynda atalǵan baǵdarlama aıasynda 7 úıge aǵymdaǵy jóndeý júrgizildi, 8 lıft aýystyryldy.
Sondaı-aq, qalanyń Qurylys jáne turǵyn úı saıasaty basqarmasy apatty úılerdi kúreý, turǵyndaryn kóshirý jumystaryn júrgizýde.
Ótken jyly «Jeleznodorojnyı» turǵyn alabynda eki turǵyn úıdiń turǵyndary basqa jaqqa kóshirilip, eski ǵımarattar buzyldy. Sonymen qatar, «Tursyn Astana» turǵyn úı kesheninde «Aqyldy úı» jobasy júzege asyryldy. Munda kireberisterdi jóndeý, qozǵalys datchıkteri bar qýat únemdeıtin shamdar, barlyq lıft kabınalaryna elektrondyq tablo, turǵyn úı kesheniniń qasbetteri men kireberisterine 300 beınebaqylaý kamerasy ornatyldy.
Aǵymdaǵy jyly 7 kóppáterli turǵyn úıdi (M.Jumabaev dańǵyly 5, Kúıshi Dına 42/2, V.Maıakovskıı 7, Ǵ.Músirepov 6/2, Manas 23/5, Q.Sátpaev 7/1,8) jóndeý, 25 jedelsatyny aýystyrý josparlanǵan.
Onyń ishinde 11 lıft boıynsha qazirgi ýaqytta qujattyq-ekonomıkalyq negizdeme ázirlenip jatyr. Qalǵandarynda tehnıkalyq is-sharalar júrgizildi. «Óndiris» turǵyn alabynda Shalkóde kóshesindegi №8 jáne №10 apatty úıler kúreletin bolady. Qazir turǵyndardy kóshirý jumystaryna daıyndyq júrip jatyr.
Budan basqa, qyzmet kórsetý uıymdary 25 úıdiń shatyryn jóndeýge maqsatty qarajat jınaý, 116 úıdiń ishindegi ınjenerlik jelileri men jabdyqtaryn aýystyrý, 220 úıdiń beınebaqylaý júıesin ornatý, 412 úıdiń kireberisterin jóndeý jumystaryn uıymdastyrady.
Baıqońyr aýdanynda 2018 jyly Baraev kóshesindegi 10 jáne J.Táshenov kóshesindegi 7/1, Seıfýllın kóshesindei 35 úılerdegi 6 lıft jabdyǵy aýystyryldy.
2019 jyly Abaı kóshesindegi 80/1, 80/2 jáne Egemen Qazaqstan kóshesindegi 11-úılerindegi boıynsha ornalasqan 3 úıdi jóndeý jáne 2 KPTÚ-de 7 lıft jabdyǵy aýystyrylady dep josparlanýda. Sonymen qatar, ıAnýshkevıch kóshesindegi №12, №12/1 jataqhanalardy jóndeýge qarjy bólindi, qasbetti, sanıtarlyq toraptardy, elektr jelilerin qalpyna keltirý jumystary tolyq kólemde aıaqtaldy. Sondaı-aq, aýdan ákimi apparatynyń bastamasymen J.Dosmuhameduly kóshesindegi № 4, 6 úılerdiń jertólesin qurǵatyldy. Munda ortalyq júıege qosylǵan káriz jelileri qalpyna keltirildi. Aqjol kóshesindegi №28a úıde njenerlik jeliler (tireýishter, boılerler, qubyrlar) aýystyryldy.
«Nurly jer» baǵdarlamasynyń pılottyq jobasynyń ekinshi kezeńin iske asyrý sheńberinde 2018 jyly 113 otbasy turatyn 8 turǵyn úı (Oıyl kóshesi, 2a, A. Tolstoı kóshesi, 7a, 7b, B. Beısekbaev kóshesi, 17/1, 6, 7, Oıyl kóshesi, 17, Sevastopolskıı tuıyq kóshesi, 17) buzyldy. Olardyń barlyǵy elordanyń basqa aýdandaryna qonys aýdardy. Baıqońyr aýdanynda barlyǵy 20 shaǵyn otbasylyq jataqhana bar, ondaǵy 2 908 bólmede 5 816 adam turady. Barlyq ǵımarattardyń jalpy aýdany 69 myń sharshy metrdi quraıdy. Olardyń barlyǵy 90-shy jyldardyń basynda jekeshelendirildi. Bul rette jataqhanalardyń kópshiliginde qyzmet kórsetetin uıymdar joq (tek 2-de ǵana bar), sonyń nátıjesinde qoqys jınalyp, ınjenerlik jeliler men konstrýktsııalar tozdy, jaryqtandyrýda problemalar bar. Júrgizilgen halyq sanaǵy jáne jataqhanalardy tekserý barysynda ǵımarattyń 50%-dan astamy tozǵan, al turǵyndardyń 80%-ǵa jýyǵy páter ıeleri ekeni anyqtalǵan.
Aıta keterligi, lıft sany jáne olardyń jyldamdyǵy KPTÚ árbir qabatyndaǵy páterler sanyna sáıkes esepteledi. Eger kóp qabatty ǵımaratta 2 nemese odan da kóp lıft jabdyǵy ornatylsa, al is júzinde barlyq lıfti jumys istemese, bólshekter men lıft arqandary tozady. Bul apattyq jaǵdaılar soqtyrýy múmkin.
Astana boıynsha Óńirlerdi damytý baǵdarlamasy barysynda barlyǵy 101 KPTÚ jóndeý jumystary júrgizildi. 59 KPTÚ-degi 135 lıft jabdyǵy aýystyryldy.
