Astanada bıyl 103 bala otbasy meıirimin sezindi
ASTANA. QazAqparat - Astana qalasy Bilim basqarmasy bóliminiń qyzmetkeri Aıdyn Bılıalovanyń aıtýynsha, 2014 jyly Astanada 103 bala asyrap alyndy. Onyń ishinde, 65 bala Balalar úıinen asyrap alynsa, 26 búldirshin týǵan otbasyna qaıta oralǵan. Al, qalǵan altaýy patronattyq tárbıede, dep habarlady astana.kz.
«2011 jyly Balalar úıinde januıany qoldaý qyzmeti ashylǵan. Ondaǵy maqsat - balany januıada tárbıelený quqyǵyn oryndaý. Statıstıkaǵa súıensek, 3 jylda 60-qa jýyq bala óz januıasyn tapty», - dedi Astana qalasy balalar úıiniń dırektory Gúlmıra Káribaeva.
Búginde Astanada ata-anasynyń qaraýynsyz qalǵan 1029 qarakóz bolsa, onyń 383-i ınternattyq mekemelerde tárbıelenip jatyr. Astanada jalpy 578 otbasy bala asyrap alǵan.
