Astanada bitimshilik protsedýralary týraly zań jobasy talqylanady
ASTANA. Mamyrdyń 20-sy. QazAqparat /Ernur Aqanbaı/ - Erteń Astanada Qazaqstanda bitimshilik protsedýralary ınstıtýtyn engizýdiń ózekti máselelerin talqylaýǵa arnalǵan dóńgelek ústel ótedi.
Sharany BUU-nyń Qazaqstandaǵy Damý baǵdarlamasy, QR Joǵarǵy soty jáne Qazaqstan sýdıalarynyń odaǵy uıymdastyryp otyr. Dóńgelek ústelge qatysýshylar «Bitimshilik protsedýralary týraly (medıatsııa)» zań jobasyn talqylaıdy. Zań jobasy jeke jáne zańdy tulǵalardyń qatysýymen bolatyn azamattyq, otbasylyq jáne eńbek qatynastaryndaǵy daýlarǵa qatysty bitimshilik protsedýralaryn retteýge baǵyttalǵan. Dóńgelek ústeldiń jumysyna Joǵarǵy sottyń jáne jergilikti sottardyń sýdıalary, memlekettik organdardyń ókilderi, ǵalymdar, halyqaralyq jáne úkimettik emes uıymdardyń ókilderi qatysady. Sharada halyqaralyq sarapshy retinde TMD elderinde medıatsıny engizýde mol tájirıbesi bar Ýkraına kelisim ortalyǵynyń prezıdenti Roman Koval sóz sóıleıdi.
