Astanada Birjan sal Qojaǵululynyń týǵanyna 175 jyl tolýyna arnalǵan mádenı kesh ótti
sp;ASTANA. Qarashanyń 17-si. QazAqparat /Jasulan Amanbaıuly/ - Astanadaǵy Kúlásh Baıseıitova atyndaǵy Opera jáne balet teatrynda belgili ánshi, sazger, sýyryp salma aqyn Birjan sal Qojaǵululynyń týǵanyna 175 jyl tolýyna arnalǵan mádenı kesh ótkizildi,
dep habarlaıdy QazAqparat.
Merekelik óner keshine respýblıkalyq jáne halyqaralyq baıqaýlarda júırik shyqqan sańlaqtar Birjannyń «Ǵashyǵym», «Sary arqa», «Janbota» syndy elge keńinen tanymal ánderin oryndap, kórermen qaýymdy qýanyshqa keneltti. Atap aıtar bolsaq, Qazaqstannyń halyq ártisi Qaırat Baıbosynov, halyqaralyq baıqaýlardyń laýreaty Ardaq Isataeva, respýblıkalyq konkýrstyń jeńimpazy Gúlmıra Sarına, jas ánshiler Perızat Turarova, Ahat Kenjebaev, Temirjan Muratov sahnaǵa shyqty.
«Birjannyń murasy keıingi qazaq mýzykalyq mádenıetine áser etkeni sonshalyq - eń alǵashqy opera «Qyz Jibekke», odan keıingi «Er Tarǵynǵa» Birjan mýzykasy keńinen paıdalanyldy. Birjan sarqylmaıtyn bulaq retinde 21-shi ǵasyrǵa kelip jetti. Onyń árbir ánin ulttyń uly murasy etip ulyqtaýymyz kerek», dedi Mádenıet jáne aqparat mınıstri Muhtar Qul-Muhamed.
«Birjan 21-shi ǵasyrda da qazaqtardyń jańa býynynyń jan júregin jadyratatyn rýhanı azyǵy, serigi, ulttyq mýzyka mádenıetiniń eń bıik shyńy retinde qala beredi», dep atap kórsetti Mınıstr.
