Astanada «Birtutas Otan - Táýelsiz Qazaqstan!» atty kórme ashylady
ASTANA. 6 jeltoqsan. QazAqparat - Búgin elordadaǵy Qazirgi zaman óneri murajaıynda «Birtutas Otan - Táýelsiz Qazaqstan!» atty kórme ashylady, dep habarlady osy murajaıdyń baspasóz qyzmeti.
QR Táýelsizdigi kúni merekesine arnalǵan bul mádenı sharany Astana qalasy sýretshiler odaǵynyń jastar birlestigi «Nur Otan» HDP «Jas Otan» jastar qanatynyń qoldaýymen uıymdastyryp otyr.
Elbasy - Ult Kóshbasshysy N.Á.Nazarbaevtyń bastamasymen memlekettik jastar saıasatyna zor mán berilip otyr. Jas talanttarǵa elordadaǵy qazirgi zaman óneri murajaıy da úlken qoldaý kórsetip keledi.
Osy joly kórmege 12 jas sýretshiniń 24 jumysy usynslyp otyr. Olar - Baqyt Áripov, Aıgúl Aıtqojına, Qaırat Jaıyrbek, Rýslan Júnisálıev, Gúldana Jurqabaeva, Ómiráli Ismaıylov jáne basqalary.
Olardyń árqaısysynyń ónerde óz joly bar. Olardyń kópshiliginiń kórmelerge qatysyp júr, oqý oryndarynda oqytýshy, dızaıner, erkin sýretshi bolyp jumys jasaıdy.
Kórme 2003 jyldyń 11 qańtaryna deıin jumys isteıdi.
