Astanada birneshe páter tonaǵan Ózbekstan azamaty ustaldy
ASTANA. 6 aqpan. QazAqparat - Jedel-izdestirý sharalaryn ótkizý barysynda Saryarqa aýdany ІІB tergeý bóliminiń qyzmetkerleri 43 jastaǵy Ózbekstan azamatyn qolǵa túsirdi,
dep habarlaıdy Astana qalasy ІІD-niń baspasóz qyzmeti.
2012 jyldyń 14 qańtarynda ІІB-nyń kezekshi bólimine bir azamat habarlasty. Belgisiz bireý plastık terezesin syǵyp alý jolymen páterine kirip, jeke zattary men turmystyq tehnıkany urlap áketken.
Páter tonaýlary men olardy júzege asyrý joldaryn salystyra kele jedel qyzmetkerler kúdiktiniń izine shyqty. Anyqtalǵandaı, ózbekstandyq azamat buryn birneshe ret sottalǵan, Astanaǵa «tabys tabý úshin» kelgen. Baýkespe talaı páterlerdi tonaǵan, urlyqty negizinen qalanyń Saryarqa aýdanynda jasaǵan. Onyń ýaqytsha turǵylyqty jeri boıynsha bólmeni tekserý kezinde urlanǵan zattar, aýdıo jáne beınetehnıka, altyn buıymdary tabylyp, tárkilendi.
Ustalǵan azamatqa qatysty qylmystyq is qozǵaldy, tergeý júrgizilýde. Onyń basqa qylmystarǵa qatystylyǵy tekserilip jatyr. Qazirgi ýaqytta Astana qalasyn ІІD-niń ýaqytsha tergeý abaqtysyna qamaldy.
