Astanada birneshe márte sottalǵan áıel ustaldy
ASTANA. 12 sáýir. QazAqparat - Ózgeniń múlkin ıemdený boıynsha birneshe ret sottalǵan áıel qolǵa tústi. Bul týraly Astana qalalyq ІІD baspasóz qyzmeti málimdep otyr.
Jedel-izdestirý sharalarynyń barysynda urlyq jasaǵany úshin izdeý jarııalanǵan, talaı márte sottalǵan elordanyń 28 jastaǵy turǵyny qolǵa tústi.
Uzaq ýaqyt boıy kánigi ury qalalyq mekemelerdi torýyldap, ondaǵy uıaly telefondardy, ámııandardy, aqsha men zergerlik buıymdardy qoldy etken. Astanalyq ýnıversıtettiń ǵımarattaryna bas suqqan jylpos kabınetterdiń birindegi ústelden uıaly telefondy alyp ketti. Al aýrýhanada dárigerdiń telefonyna qyzyǵyp, ony ıemdengen.
Urlanǵan zattardy ol beıtanys adamdarǵa arzan baǵamen satyp kelgen eken. Oljalaǵan aqshasyn esirtkige jumsaǵan. Qolǵa túsken áıel urlyq úshin 4 ret sottalǵany anyqtalyp otyr.
Esirtkige táýeldi jylpostyń 10 qylmysqa qatysy bar ekeni dáleldendi. QR QK «Urlyq» babyna sáıkes qylmystyq is qozǵaldy. Kúdikti tergeý ızolıatoryna qamaldy.
