Astanada birneshe kósheniń ýchaskeleri jóndeý jumystaryna baılanysty jabyldy

ASTANA. QazAqparat - Astana qalasynyń Polıtsııa departamenti ákimshilik polıtsııa basqarmasynyń kelisimi boıynsha jol qozǵalysy qaýipsizdigin qamtamasyz etý maqsatynda birden birneshe kóshede jóndeý júrgizilip jatyr.

Osyǵan baılanysty jóndeletin ýchaskelerde qozǵalys ýaqytsha jabyldy, dep habarlaıdy QazAqparat elorda ákimdiginiń resmı saıtyna silteme jasap.

Máselen, jol tósemin jóndeý Turan dańǵyly men Dostyq kóshesiniń qıylysynda júrgizilýde.

Osyǵan baılanysty 26-27 tamyz aralyǵynda osy ýchaskede kólik qozǵalysy tolyǵymen toqtatylady.

26-31 tamyz aralyǵynda Táshenev kóshesinen Imanov kóshesine deıingi ýchaskede Respýblıka dańǵylynda kólik qozǵalysy ishinara jabylatyn bolady. Munda da jóndeý júrgizilip jatyr.

Budan basqa, ortasha jóndeý 26-31 tamyz kúnderi Dostyq kóshesinen Syǵanaq kóshesine deıingi aralyqtaǵy Túrkistan kóshesi jabyldy.

«Elorda turǵyndary men qonaqtarynan qala joldarynda keptelis týdyrmas úshin qozǵalys baǵytyn aldyn ala josparlaýy qajet»,-delingen habarlamada.