Astanada birneshe kóshe jóndeýge jabylady

ASTANA. QazAqparat – Astanada birqatar jol jóndeý jumystaryna jabylady, dep habarlaıdy QazAqparat qala ákimdiginiń saıtyna silteme jasap.

Elordada D.Qonaev kóshesi men Turan dańǵylynyń, sondaı-aq Óndiris kóshesiniń qıylysynda jol jóndeý jumysy júrgizilip jatyr. Osyǵan baılanysty 20 tamyz kúniniń sońyna deıin Qonaev kóshesi men Turan dańǵylynyń qıylysynda kólik qozǵalysyna tyıym salynady.

Sonymen qatar 19 tamyzdan 7 qyrkúıekke deıin Soltústik aınalma joldan jol aıyryǵyna deıingi ýchaskede kólik qozǵalysy ishinara shekteledi.

Budan bólek, Araı kóshesindegi jóndeý jumystaryna baılanysty 19-21 tamyz aralyǵynda Jaýqazyn kóshesinen Ǵaryshkerler kóshesine deıingi ýchaskede jol tolyǵymen jabylatyn bolady.