Astanada birneshe kóshe ýchaskesi ýaqytsha jabylady
Astanada Qoshqarbaev kóshesi ýchaskeleri men Syǵanaq pen Anet baba kósheleriniń qıylysy jol-qurylys jumysyna baılanysty birneshe kúnge jabylady, dep habarlaıdy QazAqparat elorda ákimdiginiń resmı saıtyna silteme jasap.
Jumys jol qozǵalysy qaýipsizdigin qamtamasyz etý maqsatynda Astana PD ákimshilik polıtsııa basqarmasynyń kelisimi boıynsha júrgizilip jatyr.
Qoshqarbaev dańǵylynyń oń jaǵyndaǵy jol tósemine ortasha jóndeý júrgizilýine baılanysty 16-18 qyrkúıek aralyǵynda Táýelsizdik dańǵylynan Baýyrjan Momyshuly dańǵylyna deıingi ýchaskede kólik qozǵalysy ishinara jabylatyn bolady. Qozǵalys eki baǵytta da sol jaqta júzege asyrylady.
Syǵanaq-Ánet baba kósheleriniń qıylysynda jol qozǵalysyn uıymdastyrýdy ózgertý jumysy da júzege asyrylyp jatyr.
Osyǵan baılanysty 15-16 qyrkúıek kúnderi atalǵan ýchaskede kólik qozǵalysy tolyǵymen jabylatyn bolady.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
