Astanada birneshe avtobýstyń marshrýttyq qozǵalysy ózgeredi
ASTANA. QazAqparat - Elordada birneshe avtobýstyń marshrýttyq qozǵalysy ózgeredi, dep habarlaıdy ákimdiktiń resmı saıty.
Astanada S. Seıfýllın kóshesinde birqatar jańa turǵyn úı keshenderin paıdalanýǵa berýge baılanysty jáne turǵyndardyń ótinishteri boıynsha 2015 jylǵy 23 naýryzdan bastap №34 qalalyq avtobýstyń qozǵalys shemasyna kelesideı ózgerister engiziledi:
bastapqy pýnkt Kóktal-2 t/a «Aqan seri kóshesi» aıaldamasyna deıin N. Tilendıev dańǵylynyń boıymen ózgerissiz qatynaıdy, odan ári N. Tilendıev dańǵyly - Sh.Beısekova kóshesi - S. Seıfýllın kóshesi, odan ári qazirgi qozǵalys shemasy boıynsha júredi.
Temirjol t/a turǵyndarynyń ótinishi boıynsha 2015 jylǵy 23 naýryzdan bastap №22 avtobýstyń qozǵalys shemasyna ishinara ózgerister engiziledi:
bastapqy pýnkt Temirjol vokzalynan «Qobylandy batyr kóshesi» aıaldamasyna deıin R. Qoshqarbaev kóshesiniń boıymen ózgerissiz júredi, odan ári R. Qoshqarbaev kóshesi - Jańajol kóshesi - J.Jabaev kóshesi - sońǵy aıaldama «Temirjol t/a». Avtobýs atalǵan shema boıynsha keri qaıtady.
Rysqulbekov kóshesiniń boıyndaǵy joldyń jáne qaýipsizdik jaǵdaıynyń nashar bolýyna oraı jolaýshylardy úzilissiz jáne qaýipsiz tasymaldaý maqsatynda 2015 jylǵy 23 naýryzdan bastap №9 avtobýstyń qozǵalys shemasyna kelesideı ishinara ózgerister engiziledi:
Sh. Qudaıberdiuly kóshesinen Abylaı han dańǵyly aralyǵyndaǵy qozǵalys Rysqulbekov kóshesinen Músirepov kóshesine deıin aýystyrylady. Avtobýs atalǵan shema boıynsha keri qaıtady.
