Astanada birqatar ónimderdiń baǵasy tómendedi
ASTANA. 27 qarasha. QazAqparat - Astanada 15 qarashadaǵy jaǵdaı boıynsha birqatar ónimderdiń baǵasy tómendedi. Bul týraly astana.kz saıtyna Statıstıka departamentinen habarlady.
«Qumsheker - 7%, margarın - 1,3%, kúnbaǵys maıy 0,3% arzandady», - delingen habarlamada.
Sonymen qatar, keıbir ónimderdiń baǵasy qymbattady. Qara bıdaı jáne qara bıdaı - bıdaı nany - 2,8%-dan - 7,4%-ǵa deıin, jumyrtqa - 4,8%, tuzdalmaǵan sary maı - 1,3%, irimshik 0,2% qymbattady. Budan basqa, kókónister tobynan qııardyń baǵasy - 130,4%, qyzanaq - 64,6%, qyzylsha -27,2%, pııaz - 11,8%, sábiz - 9,8% aq qaýdandy qyryqqabat 9,5 % ósti.
Eske salaıyq, qazan aıynda Astanada ósimdik maıy 0,1%, al sábiz 5,5% arzandaǵan bolatyn.
