Astanada birqatar qurylys kompanııalarynyń basshysy qamaýǵa alyndy

ASTANA. QazAqparat - Astana qalalyq ІІD-niń polıtseıleri birneshe qurylys kompanııalarynyń basshysyn ustady, dep habarlady ІІD-niń baspasóz qyzmetinen.

«Birqatar kásiporyndar - «Kvartıry NS», «Kompanııa M.S.-7» JShS, «Shańyrak BMK GRÝPP» TQK-nyń basshysy - 1979 jyly dúnıege kelgen Medet Bektemirov ustalyp, qamaýǵa alyndy. Ol ınvestorlardan «Arabı 1», «Arabı 2», «Samal» turǵyn úı keshenderiniń qurylysyna aqshalaı qarajatty aldaý jolymen alyp, ózine senip tapsyrylǵan asa úlken somadaǵy aqshalaı qarajatty jumsady. Buǵan deıin qurylysshyǵa memleketaralyq izdeý salyndy», - delingen habarlamada.

Elordalyq ІІD-niń tergeý basqarmasy sot aldyndaǵy tergeý amaldaryn júrgizip jatyr.

Osyǵan baılanysty Astana qalasynyń ІІD Medet Bektemirovtiń áreketterinen zardap shekken azamattardan Beıbitshilik kóshesi, 19, 342 kab. mekenjaıynda ornalasqan elordalyq Іshki ister departamentine kelýdi nemese 71-60-10 (Astana qalalyq ІІD-niń kezekshilik bólimi), 71-63-41, 8-707-900-88-18, 8 700-926-62-43 telefon nómirlerine habarlasýdy suraıdy.