Astanada birqatar qurylys kompanııalarynyń basshylaryna úleskerlerdiń qarajatyn jymqyrdy degen kúdik taǵylýda
ASTANA. QazAqparat - Astana qalalyq prokýratýrasy qylmystyq qýdalaý organdary turǵyn úı nysandaryn salý kezinde azamattardyń qarajatyn jymqyrǵany úshin kúdikti retinde «SheıhKazInvest» JShS, «AlBarakat Company» JShS, «Azbýka jılıa» qurylys kompanııalary tobynyń basshylaryna qatysty birqatar qylmystyq isterdi tergep jatqandyǵyn habarlaıdy.
Atap aıtqanda, «SheıhKazInvest» JShS basshysy Olga Shnaıder, «AlBarakat Company» JShS basshysy Baqytjan Toıymbetov, «Azbýka jılıa» qurylys kompanııalary tobynyń basshysy Erqanat Taıjanovqa qatysty qamaýǵa alý túrinde bultartpaý sharasy sanktsııalandy. Sondaı-aq Taıjanov Erqanatqa izdeý jarııalandy.
«Azbýka jılıa» qurylys kompanııalary tobynyń basshylarynan «Aısanam», «Aısanam de lıýks», «Komsomolskıı», «ExpoCity», «ExpoTown», «Komfort», «Garant», «JetiJol», «Sadovye kvartaly» jáne «Dınastııa» turǵyn úı keshenderiniń úleskerleri zardap shekse, «SheıhKazInvest» JShS basshylarynan «Hazret» turǵyn úı kesheniniń úleskerleri, «AlBarakat Company» JShS basshylarynan Astana qalasy jáne Aqmola oblysy Tselınograd aýdany aýmaǵynda salynyp jatqan «Jaılaý», «Quryltaı», «Arrle Town», «Tokıo», «Teńiz», «Praga» jáne «Shardja» turǵyn úı kesheniniń úleskerleri zardap shekken.
