Astanada birqatar kóshege belgili tulǵalardyń esimi berildi

NUR-SULTAN. QazAqparat – Elordada osy kúnge deıin jobalyq ataýmen atalyp kelgen birqatar kóshege elimizge belgili qoǵam qaıratkerleriniń esimi berildi. Mundaı jańalyqpen Nur-Sultan qalalyq tilderdi damytý jáne arhıv isi basqarmasynyń basshysy Sáken Esirkep Facebook-paraqshasynda bólisti, dep habarlaıdy QazAqparat tilshisi.

Basqarma basshysynyń dereginshe, qala ákimdiginiń qaýlysyna jáne qalalyq máslıhattyń sheshimine sáıkes myna kóshelerge:

jobalyq ataýy A82 kóshege Muhamedjan Tynyshbaıulynyń;

jobalyq ataýy № 23-15 kóshege Qalıbek Qýanyshbaevtyń;

jobalyq ataýy E11 kóshege Ázilhan Nurshaıyqovtyń;

jobalyq ataýy E609 kóshege Áshirbek Syǵaıdyń;

jobalyq ataýy E613 kóshege Saıat Abeevtiń;

jobalyq ataýy E632 kóshege Tuıaqberdi Shámelovtiń;

jobalyq ataýy E633 kóshege Baqtygereı Qulmanovtyń;

jobalyq ataýy E635 kóshege Ǵazız Baıtasovtyń;

jobalyq ataýy E809 kóshege Joshy hannyń;

jobalyq ataýlary E585 jáne E865 kóshelerge Ámir Edigeniń;

jobalyq ataýlary E586 jáne E875 kóshelerge Roza Jamanovanyń;

jobalyq ataýlary E589 jáne E611 kóshelerge Turmaǵambet Іztileýulynyń esimi berildi.

Al Syǵanaq kóshesinde ornalasqan ataýsyz saıabaq endigi ýaqytta «Býharest» saıabaǵy dep atalady. Sonymen qatar burynǵy Muhamedjan Tynyshbaev kóshesi Imanjúsip Qutpanov kóshesimen biriktirildi.