Astanada birqatar kóshe jóndeý jumystaryna jabylady
ASTANA. QazAqparat - Jol boıynda jóndeý jumystarynyń júrgizilýine baılanysty Astanada birqatar kóshede kólik qozǵalysyna shekteý qoıylady.
Bul týraly elordalyq ІІD baspasóz qyzmetinen habarlady.
«Qabanbaı batyr dańǵylynyń Dostyq kóshesinen №26 kóshege deıingi ýchaskesin qaıta jóndeý» jobasyn iske asyrý aıasynda «Astana qalalyq avtomobıl joldary basqarmasy» MM Qabanbaı batyr dańǵyly men Orynbor kóshesiniń (Syǵanaq) qıylysynda ınjenerlik jeliler qurylysyn bastaýdy josparlap otyr.
Osyǵan baılanysty aǵymdaǵy jyldyń 13-18 mamyry aralyǵynda atalǵan ýchaskede kólik qozǵalysyna tyıym salynady. Atalǵan qıylysta kólik keptelisin azaıtý maqsatynda baǵdarshamdardyń jumys rejiminde ózgerister bolady.
Asfalt jabynyn qaıta tóseý jumystarynyń júrgizilýine baılanysty Esil ózeniniń ústimen ótetin Saryarqa kóshesindegi avtojol kópiri aǵymdaǵy jyldyń 12 mamyry kúni saǵat 22.00-den 15 mamyr 06.00-ge deıin jartylaı jabyq bolady.
Sondaı-aq Kúmisbekov kóshesin qaıta jóndeý jumystaryna oraı, onyń Kenesary kóshesinen Abaı kóshesine deıingi bóligi jáne Seıfýllın kóshesinen Jangeldın kóshesine deıingi ýchaskesi 2017 jyldyń 6 mamyrynan 1 qazanyna deıin kólik qozǵalysy úshin tolyqtaı jabylady.
«Elordalyq ІІD ákimshilik polıtsııa basqarmasy keptelisterdi boldyrmaý maqsatynda qala turǵyndary men qonaqtaryna óz qozǵalys baǵyttaryn aldyn ala josparlaýǵa keńes beredi», - delingen taratylǵan habarlamada.
