Astanada birqatar kóp qabatty úılerdiń turǵyndary sýsyz qaldy
ASTANA. Qarashanyń 18-i. QazAqparat - Astanada tozyǵy jetken sý qubyrlary isten shyǵyp, birqatar kóp qabatty úılerdiń turǵyndary sýsyz qaldy,
dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.
Shubar shaǵynaýdanynda oryn alǵan apattyń saldarynan Perspektıvnaıa, Taıbekov kósheleriniń tutynýshylary jáne Qabanbaı batyr dańǵylynyń eki kóp qabatty úıine sý jetkizilimi toqtatyldy.
Qalpyna keltirý jáne jóndeý jumystaryna «Astana sý arnasy» mekemesiniń 10 qyzmetkeri men 4 arnaıy tehnıkasy jumyldyryldy. Sý jetkizilimi keshe keshki saǵat 19.20-da qalpyna keltirildi.
Keshe elordada Abaı jáne Sembınov kóshelerinde osyndaı apat oryn alyp, sý qubyrynyń jarylýynan Kenesary kóshesindegi jeti turǵyn úıi, Sembınov kóshesindegi eki turǵyn úıdiń tutynýshylary sýsyz qaldy. Qaıta jóndeý jumystary jalǵasýda.
