Astanada birqatar kompanııalar úleskerlik qurylysqa ruqsat aldy
ASTANA. QazAqparat - Astana ákimdigi birneshe qurylys kompanııasyna turǵyn úı qurylysyn úleskerlik júıe arqyly júrgizýge ruqsat berilgendigin habarlady.
Osylaısha birqatar kompanııa Astana qalasy ákimdiginiń 2017 jylǵy 21 maýsymyndaǵy №120-1321 uıǵarymyna sáıkes, ekinshi deńgeıdegi bank arqyly baspana salý isine úleskerlerdi tartýǵa quqyly.
Qurylys kompanııalarynyń qatarynda «Bazısınvestqurylys» kompanııasy men «Barcelona Inc.» JShS bar. Olarǵa Astana qalasy, «Almaty» aýdany, № 37 kóshesi (jobalyq ataýy), № 18 ýchaskesi (ruqsattama №5/ 21.06.2017j.) mekenjaıy boıynsha ornalasqan 7-9 qabattyq, aýmaǵy 26 249 sharshy metr bolatyn baspananyń 1, 2, 3 4, 5, 6, 7, 14 bóligin salý úshin úleskerlerdiń aqshasyn paıdalaný quqyǵy berilgen.
Astana ákimdiginiń 2017 jylǵy 21 maýsymyndaǵy № 120-1320 uıǵarymymen, «ALTYN ShAR WEST» JShS jáne «Shar-Qurylys» JShS salýshylaryna Astana qalasy, «Esil» aýdany, № 49 kóshesi (jobalyq ataýy), № 4 ýchaskesi (ruqsattama №6/ 21.06.2017j.) mekenjaıy boıynsha ornalasqan 17 qabattyq, aýmaǵy 19599,58 sharshy metr bolatyn baspananyń 1 bóligin salý úshin úleskerlerdiń aqshasyn quıýmen olardy jobaǵa tartý quqyǵy berilgen.
Atap óteıik, buǵan deıin joǵaryda kórsetilgen 4 kompanııa qalalyq ákimdikten úleskerlerdiń aqshasyn quıý arqyly olardy jobaǵa tartý quqyǵymen qurylys salý úshin tıisti ruqsattama (qajetti qujattardyń siltemesi) alynǵan bolatyn.
