Astanada birqatar qoǵamdyq kólikterdiń baǵyttary ózgeredi
ASTANA. QazAqparat - Astana qalasynyń qoǵamdyq kólik jelisin jańǵyrtý aıasynda, 2017 jyldyń 9 jeltoqsanynan bastap, birqatar avtobýs baǵyttarynyń qozǵalys syzbasyna ózgerister engiziledi, dep habarlaıdy elorda ákimdiginiń medıa ortalyǵy.
«Family Town» TA qoǵamdyq kólikpen qamtamasyz etý maqsatynda № 102 baǵdardyń júrý syzbasy ózgerdi. Atalmysh baǵyttyń bastapqy núktesi bolyp tabylatyn «Kóktal-2» TK-nen «Nura-Esil» kanaly» aıaldamasyna deıin ózgerissiz, ary qaraı Máńgilik El dańǵyly - sońǵy núkte «Family Town» TA.
Keri baǵytta, Máńgilik El dańǵylymen qala baǵytyna qaraı, ary qaraı aǵymdaǵy qozǵalys úlgisi boıynsha.
№ 46 baǵdardyń júrý syzbasy, «Qorǵanys Mınıstrligi» aıaldamasyn qozǵalys syzbasyna engizý arqyly, ózgerdi. Bastapqy núktesi «Komfort Taýn» TK-nen Qonaev pen Túrkistan kósheleriniń qıylysyna deıin ózgerissiz, ary qaraı solǵa Túrkistan kóshesine, ońǵa Dostyq kóshesine, ary qaraı aǵymdaǵy qozǵalys syzbasy boıynsha.
Keri baǵytta ózgerissiz.
«Saraıshyq» TK aýdanyn kólikpen qamtamasyz etý maqsatynda, № 100 baǵdarynyń júrý syzbasy ózgerdi. Bastapqy núktesi «Astana- Nurly Jol» temirjol vokzalynan Baıtursynov kóshesi men Jumabaev dańǵylynyń qıylysyna deıin ózgerissiz, ary qaraı Jumabaev dańǵyly, solǵa Qoshqarbaev dańǵyly, solǵa Amanjolov kóshesine, ońǵa Baıtursynov, ári qaraı aǵymdyq qozǵalys úlgisine sáıkes.
Keri baǵytta aǵymdaǵy qozǵalysqa sáıkes
