Astanada birqatar qoǵamdyq kólik baǵyttary ózgeredi
ASTANA. QazAqparat - 20 qarashadan bastap № 4, 34, 46, 71, 81, 102 baǵdarlarynyń qozǵalys baǵyty ýaqytsha ózgeretin bolady dep habarlaıdy elorda ákimdiginiń medıa ortalyǵy.
Astana qalasy ákimdiginiń jolaýshylar kóligi basqarmasynda málimdegendeı, qoǵamdyq kólikter baǵyttaryn Saryózen kóshesinde júrgiziletin jóndeý-qurylys jumystaryna baılanysty ózgertpek.
Naqtyraq aıtqanda, № 4 baǵdardyń baǵyty «№ 73 lıtseı» bastapqy núktesinen Saryózen-Tilendıev kósheleriniń qıylysyna deıin ózgerissiz qalsa, bul qıylystan ótken soń avtobýs Tilendıev dańǵylymen ońǵa Qaınar kóshesine, ary qaraı baǵdardyń burynǵy qozǵalys baǵytyna sáıkes júretin bolady.
№ 34 baǵdardyń baǵyty Saryózen-Tilendıev kósheleriniń qıylysyna deıin ózgermeıdi. Osy qıylystan ótken soń qoǵamdyq kólik Tilendıev dańǵylymen ońǵa Qaınar kóshesine, budan keıin ońǵa Aqmola kóshesine, ary qaraı solǵa Saryózen kóshesine solǵa Naýryz kóshesine ótip, osy kósheniń boıymen júrip, solǵa Ulytaý kóshesine jetkennen keıin sońǵy «Qarasý» aıaldama pýnktine deıin qozǵalatyn bolady.
№ 46 baǵdardyń baǵyty boıynsha qozǵalatyn avtobýs «Komfort Taýn» TK bastapqy núktesinen Saryózen-Tilendıev kósheleriniń qıylysyna deıin ózgerissiz júrip ótedi. Budan keıin Tilendıev dańǵylymen ońǵa Qaınar kóshesine, Qaınar kóshesinen ońǵa Aqmola kóshesine jetip, ary qaraı osy kósheniń boıymen burynǵy qozǵalys baǵyty boıynsha sońǵy aıaldamaǵa jetpek.
№ 71 baǵdardyń baǵyty bastapqy núktesinen Saryózen-Tilendıev kósheleriniń qıylysyna deıin ózgerissiz qalady. Bul kóshelerdiń qıylysynan ótken soń avtobýs Tilendıev dańǵylymen ońǵa Qaınar kóshesine, Qaınar kóshesinen solǵa Aqmol kóshesine ótip, ary qaraı baǵdardyń burynǵy baǵytyna sáıkes qozǵalatyn bolady.
№ 81 baǵdardyń baǵyty «Sharyn bazarynan» bastalatyn núkteden Saryózen-Tilendıev kósheleriniń qıylysyna deıin ózgerissiz qalsa, atalmysh qıylystan soń, avtobýs Tilendıev dańǵylymen qozǵalyp, ońǵa Barshyn kóshesine burylyp, ary qaraı baǵdardyń burynǵy qozǵalys baǵyty boıynsha júredi.
«Nura-Esil» kanalynan shyǵatyn № 102 baǵdarly avtobýs bastapqy núktesinen Saryózen-Tilendıev kósheleriniń qıylysyna deıin ózgerissiz júrip ótedi. Budan keıin ol Tilendıev dańǵylymen qozǵalyp, ońǵa Qaınar kóshesine, Qaınar kóshesinen solǵa Aqmola kóshesine burylyp, osy kósheniń boıymen baǵdardyń burynńy qozǵalys baǵyty boıynsha sońǵy aıaldamaǵa jetedi.
«Barlyq baǵdarlar keri baǵytta da osy syzbaǵa sáıkes qozǵalatyn bolady», dep jazylǵan habarlamada.
