Astanada birqatar avtobýstardyń qozǵalys baǵyty ózgeredi
ASTANA. QazAqparat - Elordada birqatar avtobýstardyń qozǵalys baǵyty ózgeredi. Bul týraly «Astana LRT» JShS málimetinde aıtyldy, dep habarlaıdy QazAqparat.
«Aǵymdaǵy jyldyń 19-qazanynan bastap, Sh.Aıtmatov pen Saraıshyq kósheleriniń qıylysyna baǵdarsham júrgiziletindikten № 17, 44, 61, 101 qoǵamdyq kólikteriniń baǵyty ózgertiledi»,-dep atap ótilgen kompanııa málimetinde.
Atap aıtqanda, № 17, 44 avtobýstary Qazaq tehnologııa men bıznes ýnıversıtetine deıin ózgerissiz, odan ári tómendegi syzba boıynsha júredi: Saraıshyq kóshesi - І. Omarov kóshesi, Syǵanaq kóshesi - Sh. Aıtmatov.
Sonymen qatar № 61, 101 qoǵamdyq kólikteri № 81 mektep-lıtseıiniń sońǵy aıaldamasyna deıin ózgerissiz, al odan ári І. Omarov kóshesi - Saraıshyq kóshesi - Sh. Aıtmatov kóshesi - Syǵanaq kóshesi baǵytynda qozǵalady.
