Astanada birqatar avtobýstardyń qozǵalys baǵdaryna ýaqytsha ózgerister engizildi
ASTANA. 18 maýsym. QazAqparat - Elordada jol jóndeý jumystaryna baılanysty №20, 40, 41, 43, 50 qalalyq avtobýstarynyń qatynaý baǵdarlaryna ózgerister engizildi. Bul týraly astana.kz saıtyna qalalyq Jolaýshylar kóligi jáne avtomobıl joldary basqarmasynan málim etti.
«Búgin, 18-inen 19-yna qaraǵan túnde Turan dańǵyly Syǵanaq kóshesinen Kereı, Jánibek handar kóshesine deıin jabylady. Turan dańǵylynyń atalǵan jol telimi 22 maýsymǵa deıin jabyq bolady», - dep habarlady vedomstvodan.
Osyǵan baılanysty qalalyq № 20, 40, 41, 43, 50 avtobýs baǵdarlaryna ýaqytsha ózgerister engizilip, Syǵanaq - Qabanbaı batyr - Turan» baǵytynda júretin bolady, dep habarlaıdy elordanyń resmı saıtynan.
