Astanada birqatar avtobýs baǵdarynyń júris baǵyty ózgeredi
ASTANA. QazAqparat - Astanada jol jóndeý jumystaryna baılanysty birqatar avtobýs baǵdarynyń júris baǵyty ózgeredi, dep habarlaıdy QazAqparat. Bul týraly «Astana LRT» JShS-nyń baspasóz hatshysy Naýat Azanbaeva Feıbýktegi paraqshasynda jazdy.
Onyń aıtýynsha, 4 shildede saǵat 21.00-den bastap 5 shilde saǵat 06:00-ge deıin jol jóndeý jumystaryna baılanysty Shákárim Qudaıberdiuly kóshesiniń Іlııas Jansúgirov kóshesinen Pýshkın kóshesine deıingi aralyǵynda avtobýs qozǵalysy shekteledi.
№ 41 avtobýs baǵdary bastapqy «№74 mektep lıtseı» aıaldamasynan І.Jansúgirov- Sh.Qudaıberdiuly qıylysyna sheıin ózgerissiz, ary qaraı І.Jansúgirov kóshesine solǵa burylyp, Abylaı han dańǵylynda ońǵa qaraı bet alyp Pýshkın kóshesine jetkende burynǵy syzbaǵa saı júredi. Keri baǵytta qoǵamdyq kólik osy júristi qaıtalaıdy.
№ 64 avtobýs baǵdary «Jıhaz zaýytynan» bastap І.Jansúgirov- Sh.Qudaıberdiuly qıylysyna sheıin ózgerissiz keledi, ary qaraı І.Jansúgirov kóshesine solǵa burylyp, Abylaı han dańǵylyna túsedi de burynǵy bekitilgen syzbaǵa sáıkes júredi.
Qoǵamdyq kólik keri baǵytta osy syzba boıynsha júredi.
