Astanada birinshi jartyjyldyqta 4 myńǵa jýyq jup neke qıdy
ASTANA. 15 shilde. QazAqparat - Birinshi jartyjyldyqta elordada 8 myńǵa tarta adam nekege tursa, olardyń 242-si ınternatsıonaldy neke bolyp tabylady. Mundaı statıstıkany astana.kz saıtyna Astana qalasynyń AHAT bóliminen málim etti.
«2013 jyldyń 1 qańtarynan 15 maýsymyna deıin elorda aýmaǵynda, tutastaı alǵanda, 18772 azamattyq hal aktisi tirkeldi»,- deıdi AHAT qyzmetkerleri.
Astanada 3837 erli-zaıypty birinshi jartyjyldyqta nekelerin qıǵan.
Sondaı-aq, esep berilip otyrǵan kezeńde bala týý qarqyny aıtarlyqtaı óskeni baıqalady. Aıtar bolsaq, Astananyń perzenthanalarynda qańtar-maýsym aılarynda 10380 sábı dúnıege kelgen. Sonymen qatar, ákelikti tanýdyń 1192 aktisi men bala asyrap alýdyń 82 aktisi tirkeldi.
250-ge tarta astanalyq aty-jónderin ózgertkisi keletinin aıtsa, atyn, tegi men ákesiniń atyn ózgertken - 241 jaǵdaı tirkeldi.
AHAT bóliminen habarlaǵanyndaı, jartyjyldyqta elordada 1686 adam ólimi tirkelgen. 2013 jyldyń qańtarynan maýsymyna deıin 1354 erli-zaıypty jup ajyrasqan.
