Astanada birinshi jarty jyldyqta 900 myń sharshy metrden astam turǵyn úı salyndy
ASTANA. QazAqparat - Astana qalasy Ekonomıka jáne bıýdjetti josparlaý basqarmasynyń habarlaýynsha, 2015 jyldyń birinshi jarty jyldyǵynda elordada jalpy aýdany 941 624 sharshy metrdi quraıtyn turǵyn úıler paıdalanýǵa tapsyrylǵan.
Bul ótken jyldyń kórsetkishterinen 79,6% artyq.
Barlyǵy turǵyn úı qurylysyna 55 800,7 mıllıon teńge jumsalǵan, 2014 jylmen salystyrǵanda bul kórsetkish 110,9% ulǵaıyp otyr.
Jyl basynan beri negizgi kapıtalǵa 270 646,8 mıllıon teńge ınvestıtsııa tartylǵan. Ivestıtsııalardyń respýblıkalyq kóleminde Astana qalasynyń úlesi 10,1% (2014 jyldyń qańtar-maýsym aılarynda 9,4% quraǵan) qurap otyr.
Ǵımarattardyń qurylysy men jóndeý jumystaryna salynǵan ınvestıtsııalar kólemi aǵymdaǵy jyldyń birinshi jarty jyldyǵynda 64,3% qurady nemese 173 922,1 mıllıon teńgege teń boldy, dep habarlaıdy astana.kz .
