Astanada «Birinshi synyp oqýshylaryna syılyq» qaıyrymdylyq sharasy ótti (FOTO)

ASTANA. QazAqparat - Astanada búgin «Qasıetti jol» balalardy ońaltý ortalyǵynda «Birinshi synyp oqýshylaryna syılyq» qaıyrymdylyq sharasy ótti, dep habarlady Memlekettik tildi damytý qorynyń baspasóz qyzmeti.

1 qyrkúıek - mektep tabaldyryǵyn alǵash attaıtyn búldirshinder úshin tolǵanysqa toly erekshe mereke. Memlekettik tildi damytý qory bıyl osy merekege ortaqtasyp, «Qasıetti jol» balalardy ońaltý ortalyǵynyń 25 tárbıelenýshisine kómek kórsetti.

Bolashaq oqýshylar ata-analarymen birge merekelik is shara uıymdastyrdy. Qor dırektory A. Sháýeev óziniń quttyqtaý sózinde olarǵa ómir jolynyń jańa belesinde jańa jetistikter, myqty densaýlyq, jańa bastamalarda sáttilik jáne oqýǵa degen qyzyǵýshylyqtarynyń arta berýin tiledi.

Іs-sharada oqýshylarǵa qajetti oqý quraldarymen tolyq jabdyqtalǵan sómkeler syıǵa tartyldy. Sonymen qatar qor ár balaǵa qazaq tilindegi balalarǵa arnalǵan ádebı kitaptar men ertegilerdi syıǵa tartty. Mereke sońynda uıymdastyrýshylar búldirshinderge izgi armandary oryndalyp, ómir joly ashyq, bolashaǵy jarqyn bolyp, egemendi elimizdiń bilikti azamaty bolyp óse berýlerine tilektestigin bildirdi.

Іs-shara Memlekettik tildi damytý qorynyń  áleýmettik seriktesi - «Samruk-Kazyna Trust» qorymen birge uıymdastyrylǵanyn atap ótken jón.