Astanada birinshi aýysymdaǵy 1-4 synyptar úshin sabaq bolmaıdy
ASTANA. QazAqparat - Aýa raıynyń qolaısyzdyǵyna baılanysty birinshi aýysymdaǵy 1-4 synyp oqýshylary úshin sabaqtar bolmaıdy, dep habarlandy Astana qalasy ákimdiginiń resmı saıtynda.
Eske salaıyq, 4 jeltoqsan kúni aýa raıynyń buzylýyna baılanysty Astana qalasynan shyǵatyn birqatar kúre joldar jabyldy. Atap aıtqanda, saǵat 14:44-te (kóktaıǵaq) Astana-Atbasar, Astana-Qaraǵandy baǵyttarynda qoǵamdyq jáne júk kólikteriniń qozǵalysy toqtatyldy. 16.40-tan bastap Astana-Kókshetaý, Astana-Pavlodar baǵyttary kóliktiń barlyq túrleri úshin jabyldy.
Sondaı-aq Aqmola oblysy boıynsha saǵat 15:15-ten bastap aýa raıynyń buzylýyna baılanysty (qatty jel, jaıaý burqasyn, kórý múmkindiginiń shektelýi) Astana-Petropavl jolynyń 18-231 shaqyrymy aralyǵynda (Astana qalasynan Şýchınsk qalasyna deıin) barlyq kólik túrleriniń qozǵalysy toqtatyldy. Saǵat 17:00-den bastap aýa raıynyń buzylýyna (kúshti jel, burqasyn, kórý múmkindiginiń shektelýi) baılanysty «Astana-Ereımentaý-Shiderti» avtojoly (22-205 shaqyrym aralyǵy) barlyq kólik túrleri úshin jabyldy.
Astananyń Bilim basqarmasynyń habarlaýynsha, qaýipsizdik sharalary men balalardyń densaýlyǵyn saqtaý maqsatynda sabaq mynandaı jaǵdaılarda bolmaıdy:
-mınýs 25 gradýs jáne odan tómen, jel sekýndyna 2 metr jáne odan joǵary bolsa - 1-4 synyp oqýshylaryna;
- mınýs 30 gradýs jáne odan tómen, jel sekýndyna 2 metr jáne odan joǵary bolsa - 1-9 synyp oqýshylaryna;
- mınýs 35 gradýs jáne odan tómen, jel sekýndyna 2 metr jáne odan joǵary bolsa - mekteptiń 1-11 (12) synyp oqýshylaryna, kolledjderdiń 1-2 kýrs stýdentterine sabaq bolmaıdy.
Sonymen qatar jeldiń jyldamdyǵy sekýndyna 15-20 metrden asatyn bolsa, temperatýra shegi artady.
Sabaqtyń bolmaıtyny týraly aqparatty tańerteń saǵat 6.45 - 7.00 aralyǵynda, ekinshi aýysym túski saǵat 12.15 - 12.30 aralyǵynda myna aqparat kózderinen bilýge bolady:
- «Alma TV», «31 kanal» jáne «STV» telearnalarynda júgirtpe joldan;
- «Alma TV» aqparattyq kabeldi arnasynda habarlandyrýdan;
- Kabeldi telearnalar qosylmaǵan bolsa, «Habar», «Qazaqstan 1», «ORT Qazaqstan», «Astana TV», «KTK», «NTK» telearnasynda daýystyq habarlamadan, «Radıo-Astana», «Retro-FM», «Qazaqstan-RV», «Avto-radıo», «Shalqar» radıolarynan;
- 169 (aqyly), 109 (tegin) nómerlerine uıaly telefonnan habarlasý arqyly;
- www. astana.gov Astana qalasy ákimdiginiń saıtynan.
