Astanada birden 27 avtobýstyń baǵyty ýaqytsha ózgerdi
ASTANA. QazAqparat - Astanalyq City Transportation Systems kólik kompanııasy keıbir qoǵamdyq kóliktiń marshrýty ýaqytsha aýysqanyn eske saldy, dep habarlaıdy QazAqparat.
Qalalyq kólik jáne jol-kólik ınfraqurylymyn damytý basqarmasynyń málimetinshe, qala kóshelerinde jol jóndeý jumysy júrip jatyr.
Osyǵan baılanysty № 1, 2, 4, 4A, 13, 19, 24, 24N, 33, 70, 71, 52, 16, 44, 64, 48, 41, 51, 28, 15, 15A, 11, 8, 9, 5, 5A, 60 baǵdarlarynyń qozǵalys syzbasy jóndeý bitkenshe ýaqytsha ózgeredi.
Jańa qozǵalys syzbasymen myna siltemeden qarap tanys bola alasyzdar.
«Saparyńyzdy aldyn ala josparlaýdy suraımyz» dep eskertedi kompanııadan.
