Astanada birden 22 avtobýs júrý baǵytyn ózgertti
NUR-SULTAN. QazAqparat – Nur-Sultan qalasynda birden 22 avtobýs júrý baǵytyn ózgertti, dep habarlaıdy QazAqparat CityTransportationSystems kompanııasyna silteme jasap.
Usynylǵan málimetke sáıkes, Máńgilik el dańǵylynda jol jóndeý jumystarynyń júrgizilýine baılanysty №№ 12, 15, 15A, 18, 19, 21, 28, 30, 32, 35, 40, 43, 46, 47, 50, 51, 52, 54, 56, 60, 61, 70 avtobýs qozǵalys baǵytyn ýaqytsha ózgertedi.
Kompanııa azamattardan óz marshrýtyn aldyn ala josparlaýdy surap otyr.
Eske salaıyq, 16 shilde - 15 tamyz aralyǵynda M-1 kópirinde jóndeý júrgiziledi. Osy ýaqytta M-1 kópiriniń Baýyrjan Momyshuly dańǵylynan bastap Máńgilik el dańǵyly - Saraıshyq kóshesi qıylysyndaǵy kólik aıyrymyna deıingi bóligi qozǵalys úshin ishinara jabylady.
