Astanada bir jyldyń ishinde oqýlyqtar baǵasy 23%-ke qymbattady
ASTANA. QazAqparat - Qazaqstanda dúkender men basqa da bólshek saýda núktelerinde oqýlyqtar baǵasy 2016 jyldyń osy kezeńimen salystyrǵanda, 2017 jyldyń tamyzynda 8,1%-ke, al apta saıyn shyǵatyn gazetter - 9,2%-ke qymbattaǵan, dep habarlaıdy «QazAqparat» HAA tilshisi energyprom.kz-ke silteme jasap.
Atap aıtqanda, Astanada tamyz aıynda oqýlyqtar men anyqtamalar aıtarlyqtaı qymbattaǵan - bir danasyna 22,7%-ke, 1805 teńgege, Semeıde - 8,4%-ke, 116 teńgege, Atyraýda - 1%-ke 133 teńgege artqan.
Bıyl qańtar-maýsym aralyǵynda qazaqstandyq basylymdar 19,66 mlrd teńgege qyzmet kórsetken. Bul - ótken jyldyń osy kezeńimen salystyrǵanda 1,8%-ke az. Almatyda basylym qyzmetiniń kólemi 5,2%-ke, ıaǵnı 8,28 mlrd teńgege, al Astanada - 12,5%-ke 4,88 mlrd teńgege tómendegen.
