Astanada bir jylda notarıýstardyń sany eki esege artty - qalalyq ádilet departamenti
ASTANA. 4 mamyr. QazAqparat - Bir jyldyń ishinde Astanada notarıýstardyń sany eki esege artty. Bul týraly búgin ótken baspasóz máslıhatynda Astananyń ádilet departamentiniń bastyǵy Qanat Mýsın aıtty.
«Bul notarıýstardyń kólemine kóp jyldar boıy qoıylǵan shekteýdiń kúshi joıylǵannan keıin oryn aldy. 2012 jyly notarıýstardyń sany eki eseden astam deńgeıge ósti. Eger de ótken jyldyń 1 sáýirinde elordada 283 notarıýs bolsa, búginde olardyń sany 587-ge jetti»,-dedi ol.
Q. Mýsınniń sózine qaraǵanda, barlyq notarıýstar attestatsııadan ótip, emtıhan tapsyryp, ózderiniń biliktiligin dáleldeı aldy. Jalpy, búginde notarıaldyq qoǵamdastyq óz isin tıisti deńgeıde atqarýda, sondyqtan da ádilet departamenti tarapynan olarǵa qatysty esh narazylyǵy joq kórinedi.
«Degenmen de biz ózimizdiń jumysymyzdyń aıasynda notarıýstardyń qyzmetine tekserýler júrgizip, zańnama talaptary buzylǵan jaǵdaıda jaýapkershilikke tartamyz»,-deıdi departament bastyǵy.
