Astanada bir táýlik ishinde 40-qa jýyq kólik apaty boldy
ASTANA. QazAqparat - Astana polıtseıleri avtosúıer qaýymnan joldarda qar jınaıtyn tehnıkany ótkizip jiberýlerin suraıdy.
«Táýlik ishinde qala joldarynda 40-qa jýyq jol-kólik oqıǵasy oryn aldy, eshkim zardap shekken joq», - dep habarlady Astan ІІD baspasóz qyzmetinde.
Atap ótilgendeı, ІІD ákimshilik polıtsııasynyń toby apat ornyna jedel kelip, joldy tazalaý úshin tehnıkaǵa kómek berýde. «Astana qalasy Іshki ister departamenti kólik júrgizýshilerden jol qozǵalysy qaǵıdasy men jyldamdyq rejimin saqtaýdy, júrginshilerge abaı, muqııat bolýdy suraıdy», - delingen habarlamada.
Eske salsaq, 14 qarashada Astana kóshelerinde qalalyqtar kepteliste qaldy. Áleýmettik jelide jumysqa keshigip, shaǵymdanǵandar kóp boldy. Bul jaǵdaıǵa Premer-Mınıstr Baqytjan Saǵyntaev nazar aýdardy.
