Astanada «Bir tamshy qan - bir adamnyń ǵumyry» aktsııasy ótedi
ASTANA. QazAqparat - 2014 jyly 20 - 21 maýsymda saǵat 10.00-15.00 aralyǵynda Astanadaǵy «Araı» saıabaq aımaǵy men medıtsınalyq mekemelerinde qalalyq ákimdiktiń qoldaýymen «Bir tamshy qan - bir adamnyń ǵumyry» aktsııasy ótedi.
Bul týraly Astana kúnine arnalǵan merekelik sharalardy uıymdastyrý komıtetiniń medıa-shtaby habarlady.
Bul aktsııanyń maqsaty - múshkil halge tap bolǵan adamdarǵa kómektesý úshin deni saý jandardy donorlyqqa tartý bolyp tabylady.
Osyǵan oraı, qaladaǵy kópsalaly statsıonarlar men transfýzıologııa ǵylymı-óndiristik ortalyǵynda qan alý núkteleri uıymdastyrylady. Joba TǴÓO men statsıonar dárigerleriniń qatysýymen júzege asyrylmaq. Aktsııa barysynda 250-300 adamnan qan alý kózdelýde. Bul sharanyń túpki maqsaty - ár otandastarymyzdyń sanasyna adam ómirin qutqarýǵa sep bolatyn donorlyq azamattyq paryz sezimin uıalatý.
Búgingi tańda jańa medııtsnaldyq nysandardyń kóbeıýine, kórsetiletin medıtsınalyq qyzmet pen ota jasaý sanynyń artýyna baılanysty Astana qalasynda qanǵa qajettilik 2 esege artyp, kúnine 100 lıtrge jetken.
Astananyń barlyq medıtsınalyq uıymdarynda jylyna 83000 ota jasalady. Onyń ishinde joǵary tehnologııalardy qoldaný arqyly 25000 ota ótkiziledi.
Shara 20 maýsym kúni - №1, №2 qalalyq emhanalarda; 21 maýsymda - «Araı» saıabaqtyq aımaǵy, Transfýzıologııa ǵylymı-óndiristik ortalyǵynda ótedi.
