Astanada bir páterdi eki ret jalǵa bergen alaıaq sottaldy
ASTANA. QazAqparat - Alaıaq páterdi bir táýlikke jalǵa alyp, ony birden óz atynan uzaq ýaqytqa qaıta jalǵa berip otyrǵan, dep habarlaıdy QazAqparat tilshisi.
«J. esimdi azamat jańa sım-karta satyp alǵannan keıin bir táýlikke páter izdeýge kirisken. Ondaı páterdiń aqysyn 8 myń teńgege kelisip, birden 1 bólmeli páterdi 100 myńǵa jalǵa berý týraly habarlandyrýdy jarııalady. Sóıtip, ol páterdi úshinshi adamǵa 100 myń teńgege zańsyz jalǵa bergen», - delingen Astana qalalyq sotynyń resmı habarlamasynda.
Almaty aýdandyq sotynyń úkimine sáıkes, J. esimdi azamat QR Qylmystyq kodeksiniń 190-baby, 1-tarmaǵy boıynsha kináli dep tanyldy. Oǵan qatysty 2 jyl 8 aıǵa deıin bas bostandyǵyn shekteý týraly sheshim shyǵaryldy.
